Admin
Admin
الجنس : 
عدد المساهمات : 55
نقاط : 222
السٌّمعَة : 0
تاريخ التسجيل : 26/09/2010
 | | موضوع: الخناقة ..!! بقلم ـ عبد العزيز محمود 03.10.10 13:59 | |
| الخناقة ..!!
بقلم ـ عبد العزيز محمود
لم يكن خلافا عاديا مثل كل مرة وإنما كانت خناقة حامية دوت اصدائها في جنبات البيت الكبير ....
-معقولة يا امَّه أبويا يكتب الغيط لأخويا الصغير ويطنشني مع اني الكبير والعاقل ؟؟!!
-معلهش يا ضنايا ما هو برضه أخوك والدم عمره ما يبقا ميه!! وبعدين ما تنساش إن ابوك كتب لك الطاحونة!!
-طاحونة ايه وبتاع إيه؟؟!! وهيه الطاحونة يا حاجة توازي الغيط اللي الدنيا كلها طمعانة فيه وعايزة تلهفه ؟؟!!
-يا حبيبي أكيد ابوك شايف المصلحة في كده!!!! وعموما لو مش عاجبك التقسيمة أهو الحاج نايم في أوضته جوه اُدخل وكلمه!!
وفي الأوضة......
-اصحا يا آبا أنا عايزك في كلمتين ضروري!! يا حاج اصحا اُمال دي الساعة داخلة على أربعة العصر!!
-يا فتاح يا عليم يارزاق يا كريم!! يعني الواحد ما يعرفش ينام ويرحرح في البيت المنيل ده!! نعم يا سيدي عايز ايه في يومك اللي مش فايت؟!
-الغيط يا آبا!!! مش معقولة يعني تكتبه لأخويا الصغير وتديني الطاحونة!!؟؟
-تاني ح تقول لي الغيط والطاحونة!! والطاحونة والغيط!!! احنا مش خلاص انتهينا من الموضوع الهباب ده!! وقرينا الفاتحة!!!؟؟؟
-بصراحة يا آبا انا وعيالي ونسايبي وأصحابي حاسين بالظلم !! وجنابك ما يرضيكش اني أتظلم وحسك في الدنيا!!
-يا ابني ما حدش يستجرى يظلمك!! بس انا كتبت لك الطاحونة حسب رغبتك عشان انت مش عايز وجع دماغ!!!! وصدقني أنت طلعت عاقل والطاحونة ح تخليك سلطان زمانك!!!
-معلهش يا حاج أنا غيرت رأيي وعايز الغيط!! ما هو مش معقولة أبقا الكبير وآخد صابونة!؟؟
وهنا دخل الابن الأصغر الى الغرفة ثائرا...
-عليا الطلاق بالتلاتة ما حد ح ياخد الغيط إلا على جثتي!! ما احنا خلاص اتفقنا وقسمنا كل حاجة والا هوه لعب عيال والا لعب عيال ؟؟
-طيب طلاق على طلاقك ماحد واخده غيري!! دا أنت حيالَّه الصغير!! ومش من حقك تاخد فتفوتة قبل اخوك الكبير ما ياخد نصيبه!!
-ان شاء الله يا شيخ أعدم عيالي لو سبت الغيط لحد ..حتى لو كان أبويا!! ايه؟؟... هوه أكل وبحلقة؟؟ ما انت خلاص اخترت الطاحونة وقرينا الفاتحة!!
-انا بقا يا معلم عيل ورجعت في كلامي!! ولا يمكن اسيبك تلهف الغيط لوحدك تبرطع فيه انت واصحابك!! وآخد انا الطاحونة دي اللي عاملة زي الخازوق!!
وهنا تدخلت الام في محاولة للتهدئة ...
-خلاص يا حاج اكتب لهم الغيط همه الاتنين وفض الاشكال!! وأهو الغيط كبير وواسع وممكن يتقسم عليهم !!
-غيط ايه يا ولية ده اللي يتقسم ؟!!! دي كل حاجة ممكن تتقسم على اتنين الا الغيط ما ينفعش يمسكه غير واحد!!!عشان المعاملات الرسمية والضرايب واللذي منه!!!!
-خلاص يا اخويا اعمل قرعة بينهم!! وكل واحد ياخد اللي ربنا كتبهوله!!! ايوه ..أنا بأقول ما فيش احسن من القرعة!!!
-قرعة ايه يا وليه ومصيبة ايه؟؟!! هيه جاموسة ح نقسمها؟!! يا حاجة ده غيط.. فاهمة يعني ايه غيط؟!!
وهنا اعترض الولدان على فكرة القرعة وامسكا في خناق بعضهما فصاح الاب بصوت كالرعد..
-انتو ح تتخانقوا قدامي من غير احترام ولا خشا!! جاتها ستين نيلة اللي عايزة خلف!! أنا خلاص قلت كلمتي والغيط ما حدش ح ياخده غير الواد الصغير!! وانت يا شحط كفاية عليك الطاحونة!!
-خلاص يا آبا ماتزعلش نفسك كده..صحتك بالدنيا!! بس بالله عليك تقول لي بأمارة ايه تديله الغيط واطلع انا من المولد بلا حمص!!
-عشان أخوك يا فالح واخد دبلوم زراعة وبيعرف يتعامل مع البهايم والأنفار والحمير اللي في الغيط!!وانت ولامؤاخذة مالكش في الكلام ده بعد ما خبت واخدت دبلوم التجارة!!
-ما حصلش!!! انا كمان بأفهم في الزراعة وباعرف أزرع وأقلع ولا أي فلاح قراري!! ما تتكلمي يا امَّه وتقولي حاجة !
وهنا قالت الام للاب:
-خلاص يا حاج راضي الكبير بحاجة!! ما هوه كمان ضناك ومن لحمك ودمك!! خلينا نخلص في اليوم ده اللي مش فايت!! والا انت عايز تشمت العدوين فينا؟!!
-أراضيه بايه بس ؟؟؟!! هوه عاد فيه حاجة اديهاله بعد ما قسمنا كل حاجة!!
-ما تديله يا اخويا الساقية البحرية!! واهي الساقية ع الطاحونة ممكن يفتحوا له البيت ويدلعوا له العيال وامهم!
-عليا الحرام من بيتي ما انا مديله غير الطاحونة!! ولو مش عاجبه التقسيمة بتاعتي يضرب دماغه في الحيط!!! والباب يفوت جمل!!
وهنا صاح الابن الاكبر باكيا:
-ايوه قول كده يا حاج!!! ما انت من زمان بتفضله عليا وتدلعه وتهشكه وتجيب له حاجات حلوة من البندر وتديله اللي هوه عاوزه!! ايوه الحكاية واضحة زي الشمس والواد عرف ازاي يبلفك ويضحك على عقلك!!!
-اخص علي كده!! بقا انا يا اااااد حد يقدر يبلفني ويضحك على عقلي؟!! هأأأأأأأوو .. ده أنا يا مغفل أبلف مديرية!!
-سامحني يا آبا أنا مش عارف الكلام الدبش ده طلع من بُقي إزاي!! بس واللهِ العظيم تلاتة ده حرام!! مين يقول الصغير يلهف كل حاجة والكبير ياخد الطاحونة!! في شرع مين الكلام ده يا عالم ؟؟؟ بقى ده مش ظلم وافترا؟؟؟
-أيوه ظلم وافترا بس أنا حر في الغيط بتاعي!! وبعدين تلاتة بالله العظيم لو ما بطلتوا تناكفوا مع بعض لأحرمكم انتو الاتنين من الميراث وأكتب الغيط والطاحونة لصاحب نصيبهم!!!
جريدة المصريون
-=-=-=-=-=-=-=-=--=-=-=-=-=--=--=-=-
قلت "غريب" :هذا كله حرام ، فينبغي على الرجل أن لا يتصرف في شيئ من أملاكه بهذه الصورة،أو بأي صورة أيا كانت عادلة من وجهة نظره ، وإنما أملاكه لا تنتقل للورثة إلا بعد وفاته .
..........................
وهذا بعض التفصيل منقول عن لجنة الفتوى بمجلة التوحيد :
س / : الحمد لله، والصلاة والسلام على رسول الله، وآله وصحبه ومن والاه، وبعد:
فنتسائل ما الحكم فيمن يقول: إني أريد أن أقسم مالي بين أولادي قبل أن أموت حتى لا يتنازعوا عليه بعد موتي ؟
ج / : بداية نقرر أن ذلك الفعل لا يطلق عليه ميراث، وذلك لعدم تحقق الشرط الأول من شروط الميراث وهو موت المورث، فالمورث هنا لم يمت ومن ثم فلا يقسم ماله على ورثته.
ثانيا: نقول: إن ذلك الفعل قد يكون بنية حسنة وقد يكون بنية سيئة، فالنية الحسنة أن ينوي تقسيم المال على ورثته حتى لا يتنازعوا عليه بعد وفاته، والنية السيئة تكمن في حرمان بعض الورثة من الميراث كأن يكون للمرء زوجة وبنات وإخوة أشقاء فيقسم ماله على زوجته وبناته حتى لا يرث إخوته الأشقاء من ماله شيئا بعد وفاته، وهذا لا شك يدخل تحت قوله تعالى بعد أن انتهى من إعطاء كل ذي حق حقه من الميراث: ومن يعص الله ورسوله ويتعد حدوده يدخله نارا خالدا فيها وله عذاب مهين [النساء: 14] .
ثالثا: يرد على قوله: «حتى لا يتنازعوا عليه بعد موتي». بقوله تعالى: وليخش الذين لو تركوا من خلفهم ذرية ضعافا خافوا عليهم فليتقوا الله وليقولوا قولا سديدا [النساء: 9]، فمن خاف على أولاده أن يتنازعوا على ماله بعد موته فعليه أن يتقي الله ويسدد ويقارب ويربيهم على طاعة الله والخوف منه، وقد سمعنا عن أناس وزعوا مالهم على أولادهم في حياتهم ولم يتركوا لأنفسهم شيئا، فما كان من الأبناء إلا أن أعرضوا عن الأب ولم ينفقوا عليه بل ومنعوه من الانتفاع بماله حتى مات، وما هذا إلا لأنه أساء تربيتهم وخشي عليهم أن يتنازعوا على ماله بعد موته.
رابعا: يجوز للمرء أن يعطي أولاده من ماله على سبيل الهبة أو الأعطية في حياته مع مراعاة الآتي:
1- يجب عليه أن يسوي بين أولاده في العطية؛ لما رواه البخاري في صحيحه بسنده عن النعمان بن بشير رضي الله عنهما أن أباه أتى به إلى رسول الله صلى الله عليه وسلم فقال: إني نحلت ابني هذا غلاما، فقال: أكل ولدك نحلت مثله ؟ قال: لا. قال: فأرجعه.
وروى أيضا بسنده عن حصين بن عامر قال: سمعت النعمان بن بشير رضي الله عنهما وهو على المنبر يقول: أعطاني أبي عطية فقالت عمرة بنت رواحة: لا أرضى حتى تشهد رسول الله صلى الله عليه وسلم، فأتى رسول الله صلى الله عليه وسلم فقال: إني أعطيت ابني من عمرة بنت رواحة عطية فأمرتني أن أشهدك يا رسول الله، قال: أعطيت سائر ولدك مثل هذا ؟ قال: لا. قال: فاتقوا الله واعدلوا بين أولادكم، قال: فرجع فرد عطيته. [رواه البخاري].
ولمسلم في رواية أبي حيان: «فقال: لا تشهدني إذا، فإني لا أشهد على جور». وفي رواية المغيرة عن الشعبي عند مسلم: «اعدلوا بين أولادكم في النحل كما تحبون أن يعدلوا بينكم في البر».
2- صفة التسوية:
اختلف الفقهاء في صفة التسوية على رأيين:
الرأي الأول: روى عن عطاء وشريح وإسحاق ومحمد بن الحسن تقسيم الأعطيات على حسب قسمة الله تعالى الميراث فيجعل للذكر مثل حظ الأنثيين.
قال شريح لرجل قسم ماله بين ولده: ارددهم إلى سهام الله تعالى وفرائضه، وقال عطاء: ما كانوا يقسمون إلا على كتاب الله تعالى.
الرأي الثاني: عن أبي حنيفة ومالك والشافعي وابن المبارك تعطى الأنثى مثل ما يعطى الذكر.
اللهم ردَّنَا إلى دينك القويم وصراطك المستقيم وشرعك الحكيم .
وهنا البحث كاملhttp://www.altawhed.com/Detail.asp?InNewsItemID=247104 | |
|
